زمونږ په اړه / در باره ما

---

سید او نادیه مشورتي شرکت (س او ن) یو د ښځینه مشرتابه لاندې افغاني شرکت دی چې د افغانستان د پانګې اچونې مرستندويې ادارې سره او هم د کاناډا مونټریال ښار کې ثبت او فعالیت لري. س او ن ټیم نه یوازې دا چې په افغانستان کې د پرمختګ پر مخ کې د شته ننګونو څخه پوره پوهه لري ددې سره سره دوي د بهرنې تحصیل، د کلونو ملي او نړیوالو تجربو په درلودلو سره دغو ننګونو ته اړوند حل لارې هم لري. له دې امله، د س او ن تګ لوری دغه شرکت ته د نورو ملي او نړیوالو مشورتي شرکتونو پرتله غوره والی او توپیر وربښي ځکه س او ن ملي او نړیوال مهارتونه لري چې په مټ یې کولی شي حل لارې پیدا او په افغانستان کې هغه پروژې چې د افغانانو د اړتیاوو پر بنسټ ولاړې وي د لوړو ابتکاراتو او د نړیوال پرمختګ له میتودونو او لاروچارو څخه په ګتې اخیستنې سره پلې کړي.

س او ن د مالي او تخنیکي پلوه د کورنیو او بهرنیو هغو مشوره ورکونکو په درلودلو سره چې هر یو یې په خپله کاري ساحه کې متخصص او لارښودنکی دی، په هره کچه د پروژو د پلې کولو او تطبیق وړتیا لري. زمونږ ټيم د هغو شخصیتونو څخه جوړ دی چې بهرني یې د ماسټرۍ او دوکتورا په کچه له بهرنیو باوري پوهنتونو او کورني یې د کورنیو پوهنتونو څخه د لوړې درجې تحصیلي اسناد لري. په ټوله کې زمونږ ټېم په پښتو، دري انګلسي او فرانسوي ژبو باندې د کار وړتیا لري.

س او ن مشورتي شرکت د ډېر شمېر موسساتو او شرکتونو سره د بېلا بېلو موضوعاتو اړوند په لوړ کیفیت سره پروپوزل لیکنې، ریپورټ (راپور) جوړونې، څېړنې او مسودو په برخه کې مرسته کړې ده ترڅو دوۍ په خپلو کړنو ، فعالیتونو، کاري بهیر او خدمتونو وړاندې کولو کې پرمختګ او ښه والی را منځ ته کړي.